Қазақстандық таеквондошы Israel Open турнирінде жүлде алды

Тель-Авив қаласында (Израиль) таеквондодан Israel Open халықаралық турнирі өтіп жатыр.

Қазақстандық спортшы Рита Бакишева қола медальға ие болды. Ол 46 келіге дейінгі салмақ дәрежесінде бақ сынады.

Әлемдік рейтинг ұпайлары ойналатын жарысқа 30 елден 227 спортшы қатысады.

Айта кетейік, бұл турнирге отандық таеквондошылар арасында тек Рита Бакишева ғана қатысты.