ВИДЕО. Қазақстандық спортшы Түркияда өткен турнирде армрестлингтің аңызын жеңді

Қыдырғали Оңғарбаев 26 дүркін әлем чемпионы америкалық Джон Брензекті жеңді, деп хабарлайды Prosports.kz тілшісі mmamania.com сайтына сілтеме жасап.

Қазақстандық спортшы бірінші раундта 58 жастағы армрестлинг аңызынан жеңіліп қалғанымен, жекпе-жектің барысын өзгертіп, 3:1 есебімен жеңіске жетті.

Қыдырғали Оңғарбаев – армрестлингтен кәсіпқойлар арасындағы бірнеше дүркін әлем чемпионы, үш дүркін Азия чемпионы, бірнеше дүркін Қазақстан чемпионы, «Золотой Турдың» алтын жүлдегері, абсолют санатының күміс жүлдегері.