Карлос Сайнс Ұлыбритания Гран-приінде топ жарды

3 шілдеде «Сильверстоун» жолында Формула 1 жарысының 2022 жылғы маусымдағы 10-кезеңі, Ұлыбритания Гран-приі өтті, деп хабарлайды Prosports.kz.

Британия Гран-приінде «Феррари»<span> шабандозы </span>Карлос Сайнс топ жарды. О Формула 1 жарсында алғаш рет бірінші орын алды.

«Ред Булл» өкілі Серхио Перес мәре сызығына екінші болып келсе, жеті дүркін әлем чемпионы, «Мерседес» шабандозы Льюис Хэмилтон үздік үштікті түйіндеді.

Биылғы чемпионаттың көшбасшысы әрі қазіргі әлем чемпионы Макс Ферстаппен («Ред Булл») машинасындағы ақауға байланысты бар болғаны жетінші болып келді.