Қазақстандық таэквондошылар Пара Азия ойындарына тағы үш лицензия жеңіп алды
БАӘ-нің Шарджа қаласында таеквондодан Ханчжоу-2022 Пара Азия ойындарына іріктеу турнирі өтті, деп хабарлайды Prosports.kz тілшісі Қазақстан таеквондо федерациясының<span> </span>баспасөз қызметіне сілтеме жасап.
Қазақстандық таеквондошылар жалпы есепте 1 алтын, 2 күміс пен 2 қола медаль еншіледі.
Әлемнің 12 елінен 70 спортшы қатысқан аламанда 80 келіден астам салмақта<span> </span>Әлішер Ғариполлаев<span> </span>(Атырау) жеңімпаз атанды.
Ал 80 келіге дейінгі салмақтың өкілі<span> </span>Жанболат Қазиев<span> </span>(Атырау) пен 47 келіге дейін салмақта өнер көрсететін<span> </span>Милана Красавцева<span> </span>(Қостанай) екінші орынға жайғасты. Осылайша Ә. Ғариполлаев, М. Красавцева мен Ж.Қазиев Ойындарға жолдама ұтып алды.
Сонымен қатар ақтөбелік<span> </span>Бауыржан Көшербаев<span> </span>(63 келіге дейін) пен алматылық<span> </span>Нұрбек Жұмахан<span> </span>(70 келіге дейін) үздік үштікті қорытындылады.
Нәтижесінде параспортшылар 8 жеке жолдамаға қол жеткізді. Бұған дейін Нұрлан Домбаев, Камиля Досмалова, Өмірәлі Нышан, Нысанбек Айдарбеков, Жұмағали Ержанов әлемдік рейтинг қорытындысы бойынша лицензия еншілеген болатын.