Әмір Маймұратов Солт-Лейк-Ситиде әлем кубогының кезеңіне қатысады

Әмір Маймұратов спорттық құзға өрмелеуден әлем кубогының кезекті кезеңіне қатысады, деп хабарлайды Prosports.kz тілшісі Olympic.kz сайтына сілтеме жасап.

Қазақстандық спортшы қазіргі таңда АҚШ-тың Солт-Лейк-Сити қаласында шеберлігін шыңдап жатыр. 27-29 мамыр күндері осы қалада өтетін әлем кубогі кезеңінде бақ сынайды. 

Солт-Лейк-Ситиде ерлер мен әйелдер арасында жылдамдық және боулдеринг бойынша бәсекелер өтеді. 

Айта кетерлігі, отандасымыз алдыңғы кезеңде<span> </span>жылдамдық бойынша алтыншы орынға жайғасқан болатын.