Сурдлимпиадада Қазақстанның дзюдодан ерлер және әйелдер құрамасы 3-орын алды

<span>Бразилияның Кашиас-ду-Сул қаласында өтіп жатқан 24-ші жазғы сурдлимпиада ойындарында дзюдодан Қазақстанның ерлер және әйелдер құрамалары үшінші орынға ие болды, деп хабарлайды Prosports.kz тілшісі ҚазАқпаратқа сілтеме жасап. </span>

<span>Батысқазақстандық бапкер Теміржан Хасанғалиевтің мәлім еткеніндей, әйелдер арасында командалық жарыста Украина құрамасы чемпион атанса, оңтүстіккореялықтар екінші, Қазақстан үшінші орынға көтерілді. </span>

<span>Ерлер арасында Украина үздік шықса, оңтүстіккореялықтар күміс, Франция мен Қазақстан қола жүлдегер атанды. </span>

<span>Әйелдер арасында ел құрамасы сапында батысқазақстандық Дина Ержанова өнер көрсетті. Дина 52 келіге дейінгі салмақта жекелей сында да үздік үштікке іліккен болатын. </span>

<span>«Осымен сурдлимпиадада дзюдо жарысы мәреге жетті», - деді ҚазАқпарат тілшісіне Т.Хасанғалиев. </span>