Елордада жүзуден жасөспірімдер арасында Қазақстан чемпионаты басталды

Нұр-Сұлтан қаласында ұлдар мен қыздар арасындағы Қазақстан чемпионаты басталды, деп хабарлайды Prosports.kz тілшісі Olympic.kz сайтына сілтеме жасап.<br /><br /><span>«Барыс Арена» спорт кешенінде өтіп жатқан жарысқа еліміздің барлық аймақтарынан 300-ден астам спортшы қатысып жатыр. 2006-2007 ж.т. және одан кіші спортшылар жүзуден бірнеше санат бойынша өзара мықтыны анықтайды. Атап айтсақ, құлаштап жүзу, брасс, баттерфляй және эстафета бойынша үздіктер анықталады.</span><br /><br /><span>Байрақты бәсеке төрт күнге созылып, сәуірдің 30-да өз мәресіне жетеді. Топ жарған спортшылар аталмыш жарыста өздерінің спорттық разрядтарын арттыруға мүмкіндік алады.</span>