Көркем гимнастикадан Қазақстан құрамасы Бакуде әлем кубогының кезеңіне қатысады

Көркем гимнастикадан Қазақстан құрамасы әлем кубогының кезекті кезеңіне қатысады, деп хабарлайды Olympic.kz.

22-24 сәуір күндері Әзәрбайжан астанасы Бакуде көркем гимнастикадан әлем кубогының кезеңі өтеді. Аталған халықаралық бәсекеге Қазақстан құрамасы жеке және топтық жаттығу бойынша қатысады. 

Атап айтқанда, Эльжана Таниева мен Баян Қайбақар жеке жаттығуда өнер көрсетсе, құрама қыздары топтық жаттығуда бақтарын сынайды.