Ольга Шишигина жаңа қызметке тағайындалды

<span>Олимпиада чемпионы Ольга Шишигина ҚР Қорғаныс министрлігінің орталық спорт клубының төрағасы болып тағайындалды. Жаңа басшыны жеке құрамға ҚР Қорғаныс министрі Руслан Жақсылықов таныстырды.</span>

<span>Министр бұл тағайындау жоғары жетістіктерге ұмтылатын армия спортшылары үшін тамаша мүмкіндік екенін жеткізді.</span>

<span>Сонымен қатар, Руслан Жақсылықов Алматыдағы Әскер үйінде болды. Кеңес Одағының Батыры, генерал-майор Иван Панфиловтың немересі Алуа Байқадамова басқаратын аты аңызға айналған Панфилов дивизиясына арналған мұражайда құрметті қонақтар кітабына жазба қалдырды.</span>

<span> Ольга Шишигина - қазақстандық спортшы, 2000 жылы Сиднейде өткен Олимпиада ойындарының алтын жүлдегері. Бір жыл бұрын ол 100 метрге кедергілер арқылы жүгіруден жабық кешендегі әлем чемпионы атанды. </span>

<span>Еңбек сіңірген спорт шебері, Қазақ мемлекеттік туризм және спорт академиясының жеңіл атлетика кафедрасының меңгерушісі. Сонымен қатар ҰҚК шекара қызметінде спорт нұсқаушысы қызметін атқарды. Подполковник шені бар.</span>

<span> 2013 жылдан бастап ҚР Парламенті Мәжілісінің депутаты болды. І дәрежелі «Барыс», «Құрмет», «Дарын» ордендерімен марапатталған.</span>