Көкшетауда атлет 112 келі гірді тісімен көтеріп, әлем рекордын бейресми жаңартты

<span>Көкшетауда қазақтың аты аңызға айналған палуаны, бірнеше дүркін әлем чемпионы Қажымұқан Мұңайтпасовтың рухына арналған қазақ күресінен облыстық чемпионат өтті, деп хабарлайды ҚазАқпарат. </span>

<span>Осынау жарыс аясында атақты атлет Тимур Спатаев жалпы салмағы 112 келі гірді тісімен көтеріп, әлем рекордынан жоғары нәтиже көрсетті. </span>

<span>Облыстық дене шынықтыру және спорт басқармасы баспасөз қызметінің мәліметінше, чемпионатта облыстың әр өңірінен жиналған 200-ге жуық палуан 23 салмақ дәрежесі бойынша боз кілемде күш сынасқан. </span>

<span>Жарысқа қонақ ретінде Қажымұқан Мұңайтпасовтың туыстары қатысты. </span>

<span>Қонақтар арасында Франция, Германия, Ресей, Өзбекстандағы чемпионаттарда бірнеше рет жүлделі орындарды иеленген, Гиннестің рекордтар кітабына енген атақты спортшы, армрестлинг және қоян-қолтық ұрыстан халықаралық дәрежедегі спорт шебері Тимур Спатаев та болды.</span>

<span> «Ол жалпы салмағы 112 келі гірді тісімен көтеріп, бейресми түрде әлемдік рекордты жаңартты. Тимур өзінің ерекше трюкін қазақтың ұлы палуаны және батыр Қажымұқан Мұңайтпасовтың 151 жылдығына арнады», - деді ведомстводан.</span>