Қазақстандық кадеттер «Fujairah Open 2022» турнирінде 12 медаль жеңіп алды

БАӘ, Фуджейра қаласында WT таеквондодан «Fujairah Open 2022» халықаралық рейтингтік турнирі ересектер, жасөспірімдер және кадеттер арасында өтті.

Жарыстың соңғы күнінде кадеттер арасындағы Қазақстан құрамасы да 12 жүлдені еншіледі: 8 алтын, 3 күміс және 1 қола.

Жас жерлестеріміз 12 мен 14 жас аралығындағы 300-ден астам қатысушының арасынан үздік атанды.

Тұғырдың бірінші сатысында Нұрперзент Саматұлы (33 келіге дейін), Теміржан Тасқын (41 келіге дейін), Алмаз Амангелдиев (45 келіге дейін), Достан Нәжімханов (49 келіге дейін), Ярина Пуганцова (29 келіге дейін), Ақерке Бәйменова (41 келіге дейін) ), Нұрайым Жұмабек (44 келіге дейін) және Айнұр Қаржаубаева (51 келіге дейін).

Мирислом Мирзакаримов (33 келіге дейін), Марғұлан Исмаил (45 келіге дейін) және Тоғжан Қазнабек (55 келіге дейін) күміс жүлдегерлері атанды.

Алина Исаева (51 келіге дейін) қола медальға ие болды.

Еске сала кетейік, бұған дейін «Fujairah Open 2022» турнирінде еліміздің ересектер командасы 7 медаль жеңіп алған болатын. Қазақстандық жасөспірімдер де жақсы нәтиже көрсетті: 15 жүлде.