Пәкістанда таеквондодан өткен халықаралық турнирде қазақстандық сарбаз жеңімпаз атанды

Қазақстан Қорғаныс министрлігі Орталық спорт клубының спортшы-нұсқаушысы Жансель Дениз Исламабадта өткен «Pakistan Open International Taekwondo (G-1)» халықаралық турнирде «алтын» алды.

<span>Бұл туралы ҚазАқпарат ҚР Қорғаныс министрлігінің баспасөз қызметіне сілтеме жасап хабарлайды.</span>

<span>Жалпы G-1 дәрежесіндегі сайыста түрлі елдер 500-ден астам атлет қатысып, 16 жиынтық медаль ойнатылды. </span>

<span>– Армия спортшысы кәсіби шеберлігінің жоғары деңгейін көрсетті. Турнирдің рейтингі бойынша Қазақстан құрамасы алты алтын медаль алып, жалпыкомандалық есепте бірінші орынға тұрақтады, - деді Орталық армия спорт клубы төрағасының орынбасары.</span>

<span>– Штаттық команданы даярлау орталығының бастығы майор Әнуар Үсенов. </span>

<span>Сайыс өткен елден бөлек, турнирге Ауғанстан, Албания, Непал, Иордания, Қазақстан, Оман, Мысыр, Иран, Түркия, Марокко, Біріккен Араб Әмірліктері, Сальвадор, Хорватияның үздік спортшылары қатысты.</span>