«Астана» ПСК бас директоры ауысты

16 тамызда Спортты қолдау қорының бас директоры Асхат Сейсембек «Астана» кәсіби спорт клубының жаңа басшысы Тастанбек Есентаевты таныстырды, деп хабарлайды Prosports.kz сайты sportqory.kz сайтына сілтеме жасап.

Жаңа көшбасшылармен кездесуге ПСК командасы мен оның жүйесіне кіретін клубтардың өкілдері «Барыс» хоккей клубының вице-президенті Болат Қарабалин, «Астана» футбол клубының бас директоры Давид Лория, Астана баскетбол клубының бас директорының орынбасары Ренат Бекзаев қатысты.

«Астана» ПСК -ға тағайындалғанға дейін Тастанбек Есентаев ҚР Білім және ғылым министрлігінің ұлттық ғылыми -практикалық дене шынықтыру орталығын басқарды.

Естеріңізге сала кетейік, 24 маусымда Спортты қолдау қоры «Астана» ПСК құрылтайшысы болды.

Фото sportqory.kz