«Райымқұлова отставкаға кетуі керек». Бұрынғы Мәдениет және спорт министрі Токиодағы Олимпиада ойындарында қазақстандық спортшылардың сәтсіз өнер көрсетуінің себептерін атады
Мәдениет және спорттың экс-министрі Арыстанбек Мұхамедиұлы бұл лауазымдағы өзінің ізбасары Ақтоты Райымқұлованы сынға алды. Оның пікірінше, Райымқұлова отставкаға кетуі керек, деп хабарлайды Prosports.kz.
Мәдениет және спорт министрлігінің бұрынғы басшысы қазақстандық спортшылардың Олимпиадада сәтсіз өнер көрсетуінің себебі департамент қызметкерлерінің жиі ауысуы деп есептейді.
Мұхамедиұлы «Жетінші арнада» Қазақстанның Токио Олимпиадасында нашар нәтиже көрсетуінің себебін атады.
«Біздің министрлікте, Олимпиадаға бір жыл қалғанда, спортқа жауапты үш вице-министр ауыстырылды. Елдос Рамазанов жұмыс істеді, Олимпиадаға бір жыл қалғанда оны қызметінен босатып, орнына Сәкен Мұсайбеков келді. Ол енді жұмысын ббастағанда босатылып, Ерлан Қожағапанов Олимпиада алдында тағайындалды»,-деді экс-министр.
Ол сондай -ақ министрліктің спорт және дене шынықтыру комитетінің басшысы Серік Сәпиев Олимпиадаға алты ай қалғанда декреттік демалысқа қалай шыққанын еске алды.
«Спорт комитеті төрағасының орынбасары, тамаша маман Серік Жарасбаев еді. Оны да Олимпиадаға дейін жұмыстан шығарды. Әдетте, Олимпиадаға бір жыл қалғанда барлығы көздеген мақсатқа қарай ұмтылады. Оның орнына, басшылық қол астындағы лауазымды қызметкерлерді жиі ауыстырды. Әрине, бұл спортшыларға да, жаттықтырушылар құрамына да әсер етеді», - деп жалғастырды ол.
Журналист Мұхамедиұлынан Қазақстан құрамасының Олимпиададағы нәтижелеріне байланысты министрлік басшысы Ақтота Райымқұлов отставкаға кетуі керек пе деп сұрады.
«Егер жеңілсеңіз оны әрқашан мойындауыңыз керек. Иә, әрине, ол отставкаға кетуі керек. Бұл тек «иә» немесе «жоқ» емес, бұл міндетті болуы шарт. Жауапкершіліктен қорқудың қажеті жоқ »,-деп жауап берді экс-министр.
Фото: Sputnik / Болат Шайхинов