Дархан Асаділовті ұтқан француз Олимпиада чемпионы атанды

Француз Стивен да Коста каратэден Токио Олимпиадасында алтын медаль алды.

67 келіге дейінгі салмақ дәрежесінде финалда француз спортшысы түрік спортшысы Эрай Самданды 5:0 есебімен жеңді.

Олимпиадалық ойындардағы жарыстың жартылай финалында француз Қазақстан өкілі Дархан Асаділовті 5-2 есебімен жеңген еді.

Естеріңізге сала кетейік, қазіргі уақытта Қазақстан құрамасының қоржынында Токиодағы ойындарда жеті қола медаль бар.