Олимпиада: Ришат Хайбуллин спорттық құзға өрмелеуде іріктеуден өте алмады

Қазақстандық Ришат Хайбуллин Олимпиада ойындарында спорттық құзға өрмелеу жарысының «қиындық» бағдарламасы бойынша іріктеуде сәтсіз өнер көрсетті, деп хабарлайды Prosports.kz.

Бұл сында Ришат 13-орыннан көрінді. Бұған дейін ол жылдамдық бәсекесінде төртінші орын алса, «боулдеринг» санатында 17-орын алды. Үш бағдарламаның қорытындысы бойынша отандасымыз 11-сатыға тұрақтады.

Айта кетейік, үш сынның нәтижесі (жылдамдық, боулдеринг және қиындық) бойынша 8 үздік спортшы финалға шығады.

Фото: Владислав Семенов, olympic.kz