Жансель Дениз: Сіздердің қолдауларыңыз бен тілектеріңізді сезіндім

Токио Олимпиадасында таеквондодан 67 келіден жоғары салмақта бақ сынаған қазақстандық Жансель Дениз жанкүйерлерге жазба арнап, турнирден кейінгі ойымен бөлісті.

<span>«Шынымды айтсам, қазіргі жағдайымды сөзбен жеткізу қиын. Сыртым тыныш мұхиттің кейпінде, ішімде дауыл. Екінші Олимпиада, тағы да жүлдем жоқ.</span>

<span>Әрбір спортшы Олимпиада тұғырында тұруды армандайды. Бұл бізді алға жетелейтін күш.</span>

<span>Арманыңа барар жолда сен барлық қиындықтармен күресесің. Құлайсың, қайта тұрасың. Еңбектесең де тоқтамайсың. Әрі қарай не боларын білмейсің, бірақ бар күшіңді саласың.</span>

<span>Күні-түні өзіңмен жұмыс істейсің. Әрине, ең соңында жеңіліс болады деп күтпейтінің анық. Өйткені, бар кедергіден ақ жүрегіңмен өтесің.</span>

<span>Сіздердің үміттеріңізді ақтай алмадым. Бірақ рахмет айтқым келеді. Маған жанкүйер болғандарыңыз үшін рахмет. Сіздердің қолдауларыңыз бен махаббаттарыңызды сезіндім. Токио ойынын жалғастырып жатқан барша спортшыға сәттілік тілеймін. Алға, Қазақстан», - деп жазды спортшы.</span>