Қазақстан құрамасының ойыншысы испаниялық клубқа ауысты

Испаниялық «Эль-Посо» футзал клубы Қазақстан құрамасының ойыншысы Тайнан да Силва келісімшарт жасасқанын жариялады, деп жазады Prosports.kz.

«Қазір ресми түрде «Эль-Посо» ойыншысымын. Келісімшарт 2024 жылға дейін жасалды», - деп жазды ойыншы Instagram парақшасында.

Тайнанның бұған дейінгі клубы Португалияның «Спортингі» болды, аталған команда сапында ол 2020/2021 жылғы Чемпиондар лигасында жеңіске жетті. Сонымен қатар Португалия чемпионы (2020/2021), Португалия Суперкубогы (2019) және Лига кубогының иегері (2020/2021) атанды.