Көркем гимнастикадан әлем кубогы: қос қазақстандық финалда өнер көрсетті

Мәскеуде көркем гимнастикадан әлем кубогі мәресіне жетті. Olympic.kz қазақстандық спортшылардың финалдағы нәтижесін жариялады, деп хабарлайды Prosports.kz. 

Аталған жарысқа Қазақстан сапынан Эльжана Таниева мен Сабина Бакатова қатысты. 

Шығыршықтағы жаттығу бойынша қазақстандық спортшылар алтыншы және жетінші орыннан көрінді. Доппен жаттығуда Таниева бесінші, Бакатова жетінші орыннан көрінді. Ұршықпен жаттығу бойынша Сабина бесінші болса, Эльжана алтыншы сатыдан көрінді. Таспамен жаттығуда Таниева бесінші, ал Бакатова жетінші болып тұрақтады.