Куликов слаломды есуден Олимпиада жолдамасын жеңіп алды

<span>Таиландтың Паттайя қаласында слаломды есуден Азия аймақтық Олимпиадаға іріктеу турнирі өтіп жатыр. Аталған сында Қазақстан қоржынына алғашқы жолдама түсті.  </span>

<span>Ерлер арасындағы жекелей сында қазақстандық Александр Куликов жеңіске жетті. </span><span>Оның уақыт көрсеткіші - 80.42.  </span>

<span>Бұл бәсекеде Олимпиада жолдамасы тек қана жеңімпаз спортшыға беріледі.  </span>

<span>Финалда бақ сынаған  тағы бір қазақстандық спортшы Қуаныш Еренғайыпов 7-ші орыннан көрінген. Ақтық сында жалпы есебі он спортшы жарысқан болатын. </span>

<span> Айта кетелік, Александр Куликов 2018 жылғы Азия ойындарында қола жүлдегер атанып, спорттың бұл түрінен Қазақстанға Азиаданың алғашқы медалін сыйлаған. Сондай-ақ, Куликов 2017 жылы Иранда өткен жасөспірімдер арасындағы Азия чемпионатының жеңімпазы.</span>