Батырбек Есдәулетов: Азия құрлықтық іріктеу додасына қатысамыз

Таеквондодан Қазақстан құрамасы кезекті оқу-жаттығу жиындарына қатысып жатыр. Құраманың аға жаттықтырушысы Батырбек Есдәулетов Olympic.kz сайтына қазіргі жаттығу жиынының мақсатын айтты.

"Қазіргі уақытта Алматы қаласында жаттығып жатырмыз. 25 сәуірде біз Өзбекстанның Ташкент қаласына оқу-жаттығу жиынына аттанамыз. Одан кейін 6 мамырда Иорданияда оқу-жаттығу жиынына аттанып, Азия құрлықтық іріктеу сынына қатысамыз", - дейді Батырбек Есдәулетов.