Гандболдан Олимпиадаға іріктеу турнирі аяқталды

<span>Венгрияның Дьор қаласында гандболдан әйелдер командасы арасында Олимпиада ойындарына іріктеу турнирі мәресіне жетті.  </span>

<span>Бұл сында Қазақстан командасы екінші топта өнер көрсетіп, барлық матчтарда жеңіліс тапты.  </span>

<span>Алдымен қазақстандықтар Венгрия құрамасынан 19:46 есебімен жеңілсе, кейін Рио Олимпиадасының чемпиондары Ресей командасына 26:33 есебімен жол берді.  </span>

<span>Топтағы үшінші кездесуде қазақстандықтар Сербиядан 30:42 есебімен ұтылды.  </span>

<span>Осылайша, алты ұпай жинаған ресейліктер Олимпиадаға жолдама алды. Венгрия 4 ұпаймен екінші, Сербия 2 ұпаймен үшінші орында. </span>

<span> Өкінішке қарай, қазақстандықтар бірде бір ұпай иеленген жоқ. </span>