Қос азаматығы бар спорт шенеунігі жайлы жаңа дерек шықты

Шымкент спорт басқармасының бастығы Олег Почиваловтың қос азаматтығына қатысты іс бойынша жаңа құжаттар пайда болды, деп жазады Prosports.kz.

time.kz басылымының хабарлауынша, Ресей Федерациясынан оның аталған елдің азаматы емес екендігі туралы құжаттық дәлел келген. Алайда жергілікті билік шенеунікті қазірдің өзінде жұмыстан шығарып тастады, ал Шымкенттің Әл-Фараби аудандық соты айыпталушының талап арызды қанағаттандырмады.

Бас прокурор Ғизат Нұрдәулетовке берген арызында Почивалов Шымкент полиция бөлімі қызметкерлерінің заңды құқығын бұзу фактілерін атап өтті. Сонымен қатар, Спорт дирекциясының басшысы және оның заңды қорғаушысы оның Ресей азаматтығын алғанын куәландыратын құжаттарға (көшірмелер) күмәнмен қарайды.

«Толығырақ салыстырып талдау кезінде мен Ресей тарапы ұсынған құжаттық материалдарды бұрмалау және қолдан жасауы мүмкін екенін көрсететін бірнеше белгілерді анықтадым», - деді Почивалов.

«Время» газетінің хабарлауынша, ол Ресей ішкі істер министрлігінің көші-қон мәселелері жөніндегі Бас басқармасына жеке сауал жолдап, Ресей Федерациясының азаматы емес деген жауап алған. Енді Олег Почиваловтың қорғаушысы сотқа апелляциялық шағым түсіреді.