Есдәулетов: Наурыз айында өтетін лицензиялық турнирге дайындаламыз

<span>6 қаңтар күні таеквондодан Қазақстан командасы "Ақ Бұлақ" олимпиадалық орталығында оқу-жаттығу жиынын бастады. </span>

Команданың аға жаттықтырушысы Батырбек Есдәулетов жиынның басты мақсаттарына тоқталып, спортшылар алдындағы міндеттерді айтып өтті. 

<span>- Жиын 29 қаңтарға дейін жалғасады. Еліміздегі бірінші нөмірлі спортшылардың барлығы да шақырту алды. Біздің алдымыздағы ең басты міндет - наурыз айында өтетін лицензиялық турнирге дайындалу. </span>

<span>Алдымызда үлкен мақсат тұр. Токио ойындарына жолдама алуымыз қажет. Сол мақсат жолында еңбектенеміз. Одан бөлек, Азия және әлем чемпионаты да бар.</span>

<span> Індетке қатысты әлемдегі жағдай тұрақталатын болса, турнирлердің бәрі өз уақытында өтеді деп ойлаймын, - дейді аға жаттықтырушы.  </span>

<span>Таеквондодан лицензиялық турнир 26-27 наурызға жоспарланған. </span>