Глущенко: Спортшылардың әрқайсысына жекелеген жаттығу жоспарын дайындаймыз

<span>Жуырда астанамызға келген триатлоннан ұлттық құрама команда мүшелерінің бір апталық карантині аяқталды. Команда оқу-жаттығу жиыны аясындағы қарқынды жаттығу жұмыстарына кірісіп кетті. </span>

<span>Бұл туралы Қазақстан триатлон федерациясы мәлімдеді. ⠀ </span>

<span>Бапкерлер хабарлағандай, алдағы бір апта спортшылар үшін бейімделу аптасы болмақ. Себебі, бұл ұзаққа созылған пандемиядан бергі бірінші орталықтандырылған оқу-жаттығу жиыны болып отыр. Күнделікті спортшылар бапкерлер штабы тапсырған тапсырмаларды орындап, сенбі күні бақылаудан өтетін болады. ⠀ </span>

<span>«Осы аптадағы басты мақсатымыз — бейімделу. Спортшылар аэробты жүзу және қосалқы жүгіру жаттығуларын көп орындайды. Апта соңында уақытқа 300 м қашықтық жүздіріп, шамаларын бақылаймыз. Бапкерлер барлық процессті видеоға түсіреді. </span>

<span>Бұл жазбалар әр спортшының ахуалын әрі жүзу техникасын бағалау үшін қажет. Әрі қарай спортшылар не істеу керектігін анықтап, әрқайсысына жекелеген жаттығу жоспарын дайындаймыз. Бұл жоспарлардың мәні — техникалық көрсеткіштерін жақсарту», — деп пікір білдірді ұлттық құраманың бас бапкері Андрей Глущенко. </span>