Семсерлесуден ресми турнирлер келесі жылдың қаңтар айында басталады

<span>Халықаралық семсерлесу федерациясы (FIE) алдағы маусымға арналған жаңа күнтізбені бекітті. Жаңа кестеге сәйкес, семсерлесуден ресми жарыстар 2021 жылдың қаңтарында басталады. </span>

<span>Команда бас бапкері Алексей Писцовтың пікірінше, қазақстандық спортшылар халықаралық турнирлерге қатысуға дайын.  </span>

<span>- Биыл індетке байланысты спортшылар біраз жарысқа қатыса алмады. Дегенмен, бұл біздің еңсемізді түсірген жоқ. Спортшылар карантинге қарамастан жаттығуды тоқтатпай, бар күшін дайындыққа салды.</span>

<span> Халықаралық федерация биыл жыл соңына дейін ешқандай турнир өтпейтінін, әлемдік турнирлер келесі жылдың қаңтарында басталатынын мәлімдеді. Бүгінде алдағы маусымға алаңсыз дайындалудамыз. </span>

<span>Ресми кестеге сәйкес, келесі жылы ерлер мен әйелдер арасында шпага және саблядан 4 әлем кубогі кезеңі өткізіледі. Біздің команда жаңа жылдан кейін бірден екі турнирге қатысуды жоспарлап отыр. </span>

<span>Ал Олимпиадаға соңғы іріктеу турнирі Буэнос-Айресте ұйымдастырылады. Сондай-ақ, сәуірде Азия аймақтық Олимпиадаға іріктеу бәсекелері өтеді. Әзірге, доданың қайда өтетіні белгісіз, - дейді бас бапкер. </span>