Елорданың аула клубтарында 2,5 мыңнан астам бала спортпен шұғылданып жүр

<span>Сабақтар ашық ауада, санитария талаптарын сақтай отырып өткізіледі, деп хабарлайды ҚазАқпарат әкімдіктің ресми сайтына сілтеме жасап. </span>

<span>Қазақстан Республикасының Президенті Қ.Тоқаев өз Жолдауында жас ұрпақтың спорттық және шығармашылық әлеуетіне мейлінше назар аудару қажет екенін атап өтті. </span>

<span>«Бұқаралық спортқа, дене шынықтыруға және балаларға басымдық беру қажет. Әр облыста, ірі аудан орталықтарында спорт секциялары ашылуы керек», - деді Мемлекет басшысы. </span>

<span>«Астана жастары» жастар ресурстық орталығының аула клубтарында балалардың қызығушылығын тудыратын жаңа спорт секциялары ашылуда.</span>

<span> «Спорт алаңдарында 20-ға жуық үйірме жұмыс істейді. </span><span>Жекпе-жек түрлері, ​​еркін күрес, каратэ, жауынгерлік самбо, әскери қоян-қолтық ұрыс, дзюдо секцияларына басымдық берілген. Аралас жекпе-жек ММА секциясын да ашуды жоспарлап отырмыз», - деді «Астана жастары» КММ басшысы Шыңғыс Тілеулин. </span>

<span>Сонымен қатар оқушыларға арналған аула клубтарында ашық ауада дене шынықтыру жаттығулары өткізіледі. Бұл сабақтар әсіресе пандемия кезінде сұранысқа ие болды. Аулаларда воркаут-алаңдардың ашылуымен бұл бағытты одан әрі дамыту жоспарлануда. </span>

<span>«Біз стрит-воркаутты аула клубтарына енгізумен ғана шектеліп қалмаймыз. Пандемия көрсеткендей, ашық ауадағы аула алаңдарын пайдалану қажет. Жалпы, бізде көптеген спорттық шаралар көшеде өткізілуде», - деді «Астана жастары» КММ басшысы. </span>

<span>Балаларға арналған би үйірмелері де бар. Заманауи би топтары құрылуда. Барлық сабақтар кезінде санитарлық қауіпсіздік ережелері қатаң сақталады.</span>

<span> «Бүгінде Нұр-Сұлтанда біз бақылайтын 21 аула клубы бар. Оларда 2500 оқушы спортпен айналысады. Бізде 133 түрлі саладағы жаттықтырушылар мен оқытушылар бар», - деді Шыңғыс Тілеулин. </span>

<span>«Астана жастары» хабарлағандай, биылдан бастап орталық аула клубтарын дамытудың 2023 жылға дейінгі жаңа тұжырымдамасын іске асыруда. Оның басты міндеті - жастарды қызықтыратын заманауи үйірмелер мен бағыттарды ашу. Егер қазіргі кезде аула клубтары тәрбиеленушілерінің дені 14 жасқа дейінгі балалар болса, болашақта орталық ересек балаларға арналған топтар құруға ниетті.</span>