Қазақстандық дойбышы халықаралық жарыста жеңімпаз атанды

Батысқазақстандық дойбышы Әнел Дәулетова халықаралық жарыста жеңімпаз атанды, деп хабарлайды ҚазАқпарат.

<span> Халықаралық дойбы федерациясы (IDF) мәлім еткеніндей, 2020 жылғы интеллектуалдық спорт олимпиадасы (MSO) аясында биыл Gambler тұғырнамасында дойбы-64-тен онлайн жарыстар өткізілді.</span>

<span>Олимпиада аясында дойбы-64-тен төрт онлайн турнир ұйымдастырылды.</span>

<span>Жастар арасындағы жарысқа 174 спортшы қатысып, 11, 14 және 17 жасқа дейінгілер арасында жеңімпаз-жүлдегерлер анықталды. 17 жасқа дейінгі қыздар арасында қазақстандық Әнел Дәулетова үздік шықса, Беларусь елінің өкілі Виктория Николаева екінші, ресейлік Алена Большакова үшінші орынға ие болды. </span>

<span>Оған қоса ұлдар мен қыздар арасында жалпы есепте БҚО-ның дойбыдан аға бапкері, Қазақстанның еңбек сіңірген жаттықтырушысы Данияр Жұмагелдиевтің шәкірттері екінші орынға көтерілді. </span>

<span>Бұл Әнелдің бірінші табысы емес. Ол бұған дейін екі дүркін әлем чемпионы атанған болатын.</span>