«Жетісулық спорттық гимнастардың болашағы зор»
Талдықорғандық спорттық гимнастар далада дайындалып жатыр. Аптасына 5 рет жаттығу өткізіп, шеберлігін шыңдауға көшкен. Карантин ережесін қатаң сақтайды. Мұндағы мақсат - үнемі спорттық бабында болу, деп жазады Prosports.kz тілшісі.
Спорттық гимнастар бір жарым айдан бері «Ардагерлер саябағында» жаттығады. Спорттық құрал-жабдықтарын осында әкеліп, жалпы дене дайындығын өткізеді. Күш қарымын сынайды. Олар күз айларында Шымкент пен Алматы қаласында жоспарланған республикалық және халықаралық жарысқа қатысып, жүлдегер болуды мақсат етіп отыр
</picture>Сәбит Айтахов
СӘБИТ АЙТАХОВ, СПОРТТЫҚ ГИМНАСТИКАДАН ОБЛЫС ҚҰРАМА КОМАНДАСЫНЫҢ АҒА ЖАТТЫҚТЫРУШЫСЫ:
<span>«</span>Қазір залда дайындалуға рухсат жоқ. Сондықтан далада жаттығу өткіземіз. Осыған байланысты ашық аспан астында дайындалып, жаңа әдіс-тәсілдерді пайдаланып жатырмыз. Балаларға ұнады. Емін-еркін, таза ауа да жүріп, кермеге тартылып, жүгірген жасөспірімдердің тынысын ашары сөзсіз. Мен осылардың арнасынан болашақта Азия чемпионымен әлем біріншілігінің жүлдегері шығарына көзім толық жетеді.»
</picture>Даладағы жаттығу
Талдықорғандық гимнастар биыл көктемде Алматы қаласында өткен халықаралық жарысқа қатысып, олжалы оралды. Жетісулық спортшылардың қоржынында 1 алтын және 6 күміс медаль бар. Мамандар шәкірттерінің болашағына зор үмітпен қарайды. Спорттық гимнастикаға төселіп қалған өрендердің армандары да асқақ.
</picture>Мейіржан Нұртілеу
МЕЙІРЖАН НҰРТІЛЕУ, ГИМНАСТ:
<span>«</span>Спорттық гимнастикамен айналысқаныма 5 жылдан асты. 30-дан аса медалім бар. Ақпанда респубилкалық жарыста чемпион болдым. Маған спорттық гимнастиканың аттағы жаттығу, шаршы алаңда түрлі әдістерді орындап, шеңберде ойнаған ұнайды. Болашақта үлкен мақсат қойып отырмын. Ол - Олимпиада чемпионы болу.»
</picture>Талдықорғанда 30-ға жуық жасөспірім спорттық гимнастикамен айналысады. Олардың дені 5 пен 13 жаста. Одан ересектері спорттық шеберлігін жетілдіру үшін Алматы мен Нұр-Сұлтан қаласындағы республикалық мектеп-интернатында оқып жатыр.
СӘБИТ АЙТАХОВ, СПОРТТЫҚ ГИМНАСТИКАДАН ОБЛЫС ҚҰРАМА КОМАНДАСЫНЫҢ АҒА ЖАТТЫҚТЫРУШЫСЫ:
<span>«</span>Өмірсерік Досжан деген шәкіртім қазір Алматыдағы респубилкалық спорт мектеп-интернатында оқиды. Еліміздің жасөспірімдер құрама командасында өнер көрсетеді. Жалпы Жетісу өңірінде таланттар бар. Тек, оларды іздеп тауып, шеберлігін шыңдасақ, ертең-ақ қазақтың мақтанышына айналар сақа спортшысы боларына шүбә келтірмеймін.»
</picture>Спортшылар қазір карантин ережесін сақтай отырып, дайындалып жатыр. Жерлесткеріміздің негізгі мақсаты спорттық бабын жоғалтпау