«Қайрат» Шпилевскийдің коронавирус жұқтырғанын жоққа шығарды
«Қайрат» футбол клубы бас бапкер Алексей Шпилевскийге қатысты әлеуметтік желілерде шыққан ақпаратқа жауап берді.
Кейбір БАҚ пен әлеуметтік желілерде «Қайраттың» бас бапкері Алексей Шпилевскийдің коронавирус жұқтырғаны туралы ақпарат тараған.
«Бұл жазбаларды есепке ала отырып, «Қайрат» футбол клубы ақпараттың шындыққа сай еместігін жариялайды. Алексей Шпилевский шын мәнінде 1 шілдеде Алматыда өтетін «Қайрат»-«Жетісу» кездесуіне қатыспайды. Бірақ оған себеп – матчтан ресми түрде шеттетілгені. «Қайрат» ФК тек ресми дереккөзге сенуге шақырады» делінген «Қайраттың» баспасөз қызметі таратқан хабарламада.
