«Шешімі бар» бағдарламасы арқылы 4-ші отбасы баспаналы болды
«Алматы» телеарнасының «Шешімі бар» бағдарламасы арқылы төртінші отбасы баспаналы болды, деп хабарлайды Almaty.tv.
<span>Санжар Бегімбетов – 10 сынып оқушысы. Ол Алматы қаласы Наурызбай ауданында анасымен бірге аядай ғана бөлмесі тар пәтерді жалдап тұрады. Осыдан 4 жыл бұрын жанарынан айырылған анасы жұмыссыз үйде отыр. Анасының денсаулығына байланысты күн көрістері нашарлап кеткен соң, Санжардың ерте жастан еңбекке араласуына тура келген.</span><span>«12 жасымнан бастап жұмыс істей бастадым. </span>
<span>Бастапқыда базарға шығып нан сатып жүрдім. Бар тапқан ақшамды анама әкеліп беремін. Өйткені, пәтерақы, коммуналдық төлемдер, күнделікті азық-түлік сияқты шығындардың бәрін төлеу үшін ақша керек болды», - дейді Санжар. </span>
<span>Санжар анасының көзі қалпына келсе деп армандайды. Емдетуге қаражаты жетпейді. Дәрілері де қымбат. Қазір ол үйінің жанындағы көлік жуу бекетінде жұмыс істейді. Күнделікті сабағы аяқталған соң осында келіп, 2-3 мың теңге табуға тырысады. Бар тапқанын жинап, анасы екеуі қажетті шығындарына жеткізуге тырысады. </span>
<span>Жалғызбасты ана Қамаш Бекімбетова 5 жыл бұрын қос жанарынан айрылған. Жолдасы тастап кеткен. Жалдамалы қос бөлмелі лашыққа 15 мың теңге, газ бен жарық үшін 4 мың теңге төлейді. Бұрын тігіншілікпен айналысқан ананың қазір өздігінен қозғалуы қиын. Сондықтан отбасының барлық шығындары 10 сынып оқитын ұлының мойнында... </span>
<span>«Шешімі бар» бағдарламасының бүгінгі кейіпкері болған Санжар мектеп бітірген соң, оқуға тегін түсе алатын болды. Сондай-ақ, анасының көз жанарын толық тексеруден өткізіп, мүгедектікке шығаруға мүмкіндік алды. Құжаттарын қалпына келтіруге нақты әрекеттер жасалды. Ең бастысы, бағдарламада «Харекет» қайрымдылық қоры мұңлық жандардың арманын орындап, баспана кілтін табыс етті!</span>
<span> Бұл – «Шешімі бар» бағдарламасында мұқтаж жандарға табысталған төртінші баспана.</span><br /><span>Бүгін сағат 18.10-да «Алматы» телеарнасының эфирінен көрсетілетін «Шешімі бар» бағдарламасының </span><span>кезекті шығарылымын жіберіп алмаңыздар!</span>