Спорттық құзға өрмелеуден Азия және Океания чемпионаттары қашан өтеді

<span>Халықаралық спорттық құзға өрмелеу федерациясы (IFSC) Токио Олимпиадасына лицензия үлестірілетін екі құрлықтық біріншіліктің өтетін орнын бекітті. </span>

<span>Океанияда өтетін FSC чемпионаты Сиднейде (Австралия), ал Азия біріншілігі Қытайдың Сямэнь қаласында өтеді деп жоспарланған. Осыған дейін Чунцинде жоспарланған құрлықтық дода коронавирус пандемиясына байланысты кейінге қалдырылған болатын. </span>

<span>Азия чемпионаты 10-13 желтоқсан күндері өтсе, Океания бойынша үздіктер 19-20 желтоқсан күндері анықталады. Аталған додалар бұған дейін биыл наурыз айында өтуі тиіс еді. </span><span>Алайда, Covid-19 індетінің әлемде өршіп кетуіне байланысты кейінге қалдырылды. </span>

<span>Екі чемпионатта да Токио Олимпиадасына екі жолдамадан үлестіріледі. Үздік атанған бір ер мен бір әйел спортшы төртжылдықтың басты бәсекесіне қатысуға мүмкіндік алады.</span>