Шайбалы хоккейден Қазақстан құрамасы әлемдік рейтингте жоғарылады
<span>Халықаралық шайбалы хоккей федерациясы 2020 жылғы әлемдік рейтингті жариялады. Жыл сайын түзілетін рейтингте әлем чемпионттары мен Олимпиада ойындарының (Олимпиадаға іріктеу турнирлерінің) нәтижелері есепке алынады. Сондай-ақ, бұл рейтинг 2022 жылғы Олимпиада ойындарының жеребесін анықтауға көмектеседі. </span>
<span>Шайбалы хоккейден ерлер арасындағы рейтингте Қазақстан командасы үш сатыға жоғарылап, 16-шы орынға тұрақтады. Ұлттық құрама еншісінде 2420 ұпай бар. Өкінішке қарай, біздің команда 2022 жылғы Олимпиада ойындарына қатысу мүмкіндігінен айырылған болатын. </span>
<span>Ерлер арасындағы рейтингте Канада көш бастап тұр. Екінші орында Ресей, үшінші орында Финляндия құрамалары орналасқан. </span>
<span>Ал Қазақстан әйелдер командасы екі сатыға төмендеп, 21-ші орынға сырғыған. </span>
<span> Айта кетелік, коронавирус індетіне байланысты 2020 жылғы әлем чемпионаты өтпейтін болды. Осыған орай, рейтингте айтарлықтай өзгеріс жасалған жоқ. </span><br /><br />
