Карантинде үйде отырып не тамашалауға болады

<span>Бүгін ҚР Мәдениет және спорт министрлігінің ұйымдастырумен онлайн сұхбат, онлайн концерт және және онлайн дәрістер өтеді, деп хабарлайды ҚазАқпарат тілшісі. </span>

<span>Министрлік ұсынған тың жобалардың бірі таңғы жаттығу деп аталады. Бұл жоба аясында бүгін қазақстандықтар Олимпиада ойындарының үш дүркін жүлдегері Гузель Манюровамен бірге таңғы сағат 08:00-де жаттығу жасады. </span>

<span>Ал «Халық қазынасы: бір туынды тарихы» жобасы аясында сағат 8-30-да ҚР мәдениет саласының үздігі Гүлфайрус Далбағай Қуаныш Жұмағалиевтің «Күзгі әуен», сағат 16:30-да Құрманғазы атындағы ҚҰК аға оқытушысы Нұргүл Жақыпбек Сүгір Әлиұлының «Ілме», сағат 22:00-де ҚР мәдениет қайраткері Зәмзәгүл Ізмұратова Дүйсенбінің «Кербұлан» күйінің шығу тарихы жайында ой қозғайды.</span>

<span> Сағат 12:00-де кескіндемеші, Қазақстанның еңбек сіңірген қайраткері Амандос Ақанаев «Қазақстандық кескіндеме тарихы: Тәңіршілдіктен қазіргі заманға дейін» тақырыбында онлайн дәріс оқиды.</span>

<span> Мұнан бөлек, сағат 14:00-де жастар арасында әлем чемпионатының жүлдегері Самат Жақыпов еркін күрестен, 17:00-де «Астана балет» театрының жетекші солисі Дилара Шомаева өз саласы бойынша шеберлік сабағын өткізеді. </span>

<span>Әлем чемпионы, джиу-джитсудан Қазақстандағы тұңғыш қара белбеу иегері Арманжан Рузахуовпен сұхбат сағат 18:00-де болады. </span>

<span>Ал «Карантиндегі жұлдыз» жобасы аясында кешкі сағат 21:00-де дәстүрлі әнші Ерлан Рысқали мен Ақерке Тәжібаева ән салады.<br /></span>