Әлем чемпионатының жеребесі тартылды

Грек-рим, еркін және әйелдер күресінен 2019 жылғы Әлем чемпионаты (лицензиялық) 14-22 қыркүйек аралығында Нұр-Сұлтан қаласында өтеді, деп жазады Prosports.kz.

<span>Кезекті әлем біріншілігінде балуандар жүлдеге ғана емес, 2020 жылы Токиода өтетін Олимпиада ойындарының жолдамасына да таласатын болады. Әлем чемпионатында ( олимпиадалық салмақ дәрежелерінде) үздік алтылыққа енген балуандар Олимпиада жолдамасына ие болады.</span>

<span>Бүгін елордада</span><span> грек-рим күресінен әлем чемпионатының жеребесі тартылды. Нәтижесінде 55, 63, 72 және 82 келіге дейінгі салмақ дәрежесіндегі балуандардың қарсыластары анықталды. </span>

<span>Қазақстандық Қорлан Жаханша (55 келі) бірінші айналымда алжирлік Абдилькарим Фергатпен кездеседі.   </span>

<span>Ал күресті 1/8 финалынан бастайтын Алмат Кебісбаев (63 келі)  болса, индиялық Сагара Сагарнимен  белдеседі. </span>

<span>Демеу Жадраевтың (72 кг) алғашқы қарсыласы Палау мемлекетінің спортшысы Джарвиюс-Садам Блесам Тарконг болды. </span>

<span>Іріктеу кезеңінде Мақсат Ережепов (82 келі) жапониялық Юа Окажимамен күреседі. </span><br /><br />