Трансферге ең көп қаржы «құртқан» қай клуб?
Испаниялық «Барселона» соңғы бес жылда трансферге 1 млрд еуродан жоғары қаржы жұмсаған, деп хабарлайды Prosports.kz.
Голландиялық Voetbal International басылымының хабарлауынша, Антуан Гризманнды қатарға қосқан каталониялық клуб трансфер бойынша көп қаражат жұмсаған (1,08 млрд еуро).
Екінші орынға «Манчестер Сити» жайғасты. Англиялық клуб 996 миллион еуро «құртқан». Үшінші боп «Манчестер Юнайтед» орналасты. «Қызыл сойқандардың» 2014/2015 маусымынан бастап трансферге 890 миллион еуро ақшасы кеткен.
«Барселонаның» қарсыласы мадридтік «Реал» сегізінші орында тұр. «Корольдік клуб» соңғы бес жылда 755 миллион еуро жұмсаған.
