Қазақстанның спорттық қауымдастығы Арыс тұрғындарына көмектеседі

<span>Қазақстанның Ұлттық Олимпиадалық комитеті, Спорттық жекпе-жек және күш қолданылатын спорт түрлері конфедерациясы, сондай-ақ спорттық федерациялар зардап шеккен және басқа жерге көшірілген Арыс қаласының тұрғындарына гуманитарлық көмекке біркүндік еңбекақыларын аударатын болды.  </span>

<span>Еліміздің спорттық қауымдастығы Арыс тұрғындарына қолдау сөздерін білдіреді. Осындай жағдайда ешкім бей-жай қарай алмайды. Сондықтан Қазақстанның спортшылары қиын жағдайға тап болған отандастарына қолдау көрсетуді жөн деп шешті.  </span>

<span>«Біз үшін Қазақстан командасы тек жарыс кезінде ғана маңызды емес. Біздің барлық жанкүйерлеріміз - біздің команда», делінген ҚР ҰОК мәлімдемесінде.  </span>

<span>Қаржы «Менің Атамекенім» қоғамдық ұйымы ашқан шотқа аударылады.  </span>

<span>Естеріңізге сала кетейік, 24 маусымда Арыс қаласындағы әскери бөлімнің қоймасында жарылыс болып, өрт шыққан. Қала толығымен басқа жерге көшірілген.</span><br /><br />