Баландин Чемпиондық серияның кезеңінде күміс медаль иеленді

Қазақстандық Дмитрий Баландин америкалық Индианаполисте өткен FINA Champions Swim Series-тің үшінші кезеңінде 200 метрге брасс әдісімен жүзуден күміс медаль еншіледі, деп хабарлайды Prosports.kz сайты.

Олимпиада чемпионы қашықтықты 2 минут, 10,02 секундта жүзіп өтті. Ол жеңімпаз болған ресейлік Антон Чупковтан <span>1,04 секундқа қалып қойды. Жарыстың қола медалін Нидерланды өкілі Арно Камминга еншіледі. </span>

Естеріңізге салсақ, Будапештте өткен екінші кезеңде Баландин қола медаль жеңіп алған болатын.