Ниязов пен Панарин әлем кубогында үздік үштікке ілінді

Угандада бадминтоннан әлем кубогі кезеңі аяқталып, қазақстандық спортшылар  жұптық сында қола жүлдегер атанды деп хабарлайды Olympic.kz.

Олимпиада ойындарына ұпай тарататын рейтингілік турнирге Қазақстан атынан Дмитрий Панарин, Артур Ниязов пен Хайтмұрат Құлматов қатысқан болатын. 

Үш спортшымыз да жекелей сында жеңіліске ұшырады. Ал Ниязов пен Панарин жұптасып жарысуда әлем кубогінің қола медалін иеленді.

Олар жалпы есебі үш кездесу өткізіп, шешуші матчта Үндістан спортшыларына есе жіберген.

Кубоктік кезеңдегі жүлделі орын біздің спортшылардың әлемдік рейтингтегі ұпайын еселеді. Олар Угандадағы турнирден 1700 ұпай еншілеген.