Зүлфия Ғабидуллинаның өміріне арналған фильм Ресейде үздік атанды

«Qazsport» телеарнасының «Кішкентай су перісінің тарихы» («История маленькой русалки») атты деректі фильмі Ресейде өткен «Атлант» XIII халықаралық спорттық фильмдер фестивалінде үздік атанды. <br /><br />Фильм бас кейіпкердің яғни, паралимпиада ойындарының чемпионы Зульфия Габидуллинаның өмірге және спортқа деген құштарлығын, соның арқасында көптеген қиындықтарға төтеп беріп, қарсыластарын артта қалдырып, жаңа жеңістерге жетуі жайлы суреттейді. <br /><br />Аталған жоба 60-тан астам деректі фильмдер арасынан үздік атанып бірінші орынға ие болды. Марапаттау рәсімі 6 ақпан күні Мәскеуде әлемдік спорттың көрнекті қайраткерлерінің, журналистер мен сарапшылардың қатысуымен өтті. Сондай-ақ, маратпаттау барысында кинотеатрда үздік атанған деректі фильмнің ашық көрсетілімі болды. <br /><br />Айта кетейік, сценарийдің авторы «Qazsport» телеарнасының редакторы Аян Кушбаев. Қоюшы-режиссер: Серік Емберген. Операторлар: Саясат Дүйсембиев және Қошқарбай Қалиев.