Қазақстандық таеквондошы Олимпиада чемпионын ұтты

Қазақстандық Смайыл Дүйсебай Фуджейрода (БАӘ) таеквондодан өтіп жатқан Гран-при жарысының қорытынды кезеңінде жартылай финалға шықты, деп хабарлайды ҚазАқпарат. 

<span>Қазақстан Ұлттық олимпиада комитетінен мәлім еткеніндей, Дүйсебай 87 келіге дейін салмақта сәтті өнер көрсетіп, қос бірдей жеңісіне қол жеткізді. </span>

<span>Қазақстандық таеквондошы алғашқы айналымда Рио Олимпиадасының чемпионы, Әзербайжан елінің өкілі Радик Исаевтан басым түсті. Содан кейін Дүйсебайға әлем чемпионы, германиялық Александр Бачман да қарсы тұра алмады. </span>

<span>Жартылай финалда Дүйсебай Азия чемпионы оңтүстіккореялық Ке До Инмен кездеседі. </span>

<span>Еске сала кетейік, Смайыл Дүйсебай - Гран-при жарысының финалдық кезеңіне Қазақстаннан қатысып жатқан жалғыз спортшы. Финалдық дода жеңімпазына 80 ұпай беріледі. Бұл - әлем чемпионатынан кейінгі екінші ірі рейтингілік турнир. </span>

<span>Сондай-ақ Қазақстан құрамасы ерлер мен әйелдер арасында 24-25 қараша күндері аралас командалық әлем кубогына қатысады.</span>