Оралда бадминтоннан халықаралық турнир басталды

Бұл күндері оралда бадминтоннан ересектер арасындағы АПАКС халықаралық турнирі өтуде, деп хабарлайды Prosports.kz тілшісі ҰОК баспасөз қызметіне сілтеме жасап.

Жарыстың жүлде қоры – 10 мың АҚШ доллары.

Жарысқа сегіз елден спортшылар қатысуда. Атап айтар болсақ, Қазақстаннан 30, Өзбекстан мен Ресейден 18, Австралия, Үндістан және Бахрейннен бір-бір өкіл бар. 

Турнирде жеңімпаз атанған спортшы Халықаралық дәрежедегі спорт шебері атағына ие болады. 

Оралдағы жарысқа жалпы есебі 32 төреші қазылық етуде. Оның ішінде төрт төреші Азия бадминтон қауымдастығының өкілдері.