Каратэден әлем чемпионатында кімдер бақ сынайды

Қарашаның 5-і мен 11-і аралығында Испания астанасы Мадридте каратэден әлем чемпионаты өтеді, деп жазады Prosports.kz сайты. 

Каратэ Олимпиада бағдарламасына енгелі бері, спорттың бұл түріне деген қызығушылық арта түсті. Ресми мәліметтер бойынша, Мадридтегі додаға қатысушылар саны былтырғымен салыстырғанда әлдеқайда көп болмақ. 

WKF мәліметінше, 139 елден 1200-ге жуық спортшы әлем чемпионатының жүлдесіне таласпақ. 

Каратэден Қазақстан құрама командасының бас бапкері Жасталап Санауов әлем чемпионатында сынға түсетін спортшылар тізімін жариялады. 

Олар:<span> </span>Дархан Асаділов (67 келі), Ермек Айназаров (-75 келі), Данияр Юлдашев (-84 келі), Димаш Укматов (+84 келі); 

Мөлдір Жаңбырбай (50 келі), Сабина Захарова (55 келі), Мадина Өтелбаева (60 келі), Александра Будкина (67 келі).