Аян Бейсенбаев триатлоннан Азия кубогында бақ сынайды

Ертең Иорданияның Акаба қаласында триатлоннан Азия кубогы өтеді, деп хабарлайды Olympic.kz. 

Құрлық сынына 27 мемлекеттен 61 атлет қатыспақшы. 

Аталған сында Қазақстан намысын ел чемпионы, Азия ойындарының күміс жүлдегері Аян Бейсенбаев (Ақмола облысы), жасөспірімдер арасындағы Орталық Азия ойындарының жеңімпазыДарын Қонысбаев (Алматы облысы) және Семен Пивоваров (Шымкент) қорғайды. 

Сондай-ақ, астаналық Арина Шульгина Оңтүстік Кореяның Тхонъен қаласында өтетін әлем кубогі кезеңіне қатыспақ. Турнирде 38 елдің спортшылары бақ сынайды.