Батысқазақстандық спортшы қол күресінен әлем чемпионатының жүлдегері атанды

Батысқазақстандық Кенжеқыз Қаупенова Түркияның Анталия қаласында қол күресінен жастар мен қыздар арасында өткен әлем чемпионатының жүлдегері атанды.

<span>Облыстық Дене шынықтыру және спорт басқармасынан түскен мәліметке қарағанда, Кенжеқыз 65 кг салмақта күміс жүлдені жеңіп алды.</span>

<span>Батыс Қазақстан облысынан барған тағы бір спортшы Арайлым Қанатова төртінші орынға табан тіреді. Екеуін де Мұрат Ибатов жаттықтырады.</span>

<span>Бұдан бір жыл бұрын Кенжеқыз Қаупенова Мажарстан астанасы Будапеште жастар арасында өткен әлем біріншілігінде жеңімпаз атанған болатын.</span>