Маңғыстауда 5 спорт нысанының құрылысы жүріп жатыр

Маңғыстау өңірінде мұз сарайы, бокс орталығы, Бейнеу, Маңғыстау және Сенек ауылдарында спорт кешендері салынып жатыр

<span>Сонымен қатар, Ақтау қаласында 3 мектептің жанынан спорт алаңдары ашылды. Облыс әкімі Ералы Тоғжанов Елбасының жетінші тапсырмасын атап өтіп, активте тапсырмалар жүктеді.</span>

<span>«Президенттің тапсырмасы бойынша өңірлік деңгейде резервтер тауып, бұқаралық спорт пен дене шынықтырудың қолжетімділігін арттыру қажет»,-деді ол.</span>

<span>Бүгінгі күні өңірде халықты бұқаралық спорт және дене шынықтырумен қамту көлемі 29,6% құрайды, бұл - 3 жыл бұрынғы көрсеткіштен 8 есе артық.</span>

<span>Соңғы бір жылдың өзінде жеке инвесторлар есебінен 20-дан астам спорт алаңы мен 11 ірі спорт нысаны іске қосылды.</span>

<span>Аймақ басшысының айтуынша, ағымдағы жылы футболды дамыту және қолдау мақсатында жеке инвестиция есебінен жаңа футбол алаңы салынып, Мұнайшы стадионы қайта жаңартылған.</span>

<span>Биыл аймақта 300-ге жуық спорттық шара, оның 30-ға жуығы xалықаралық және республикалық деңгейде өткен. Оған 28 мыңнан астам адам жұмылдырылды.</span>

<span>«Бұл көрсеткішпен тоқтап қалуға болмайды. Қазір Мәдениет және спорт министрлігі өңірлерде 100 дене шынықтыру-сауықтыру кешенін салу жөніндегі арнайы Жол картасын әзірлеп жатыр. Дене шынықтыру және спорт басқармасына облыс бойынша қажеттілікті шұғыл арада анықтап, тиісті өтінімдерді салалық Министрлікке ұсынуды тапсырамын»,-деді Ералы Лұқпанұлы.</span>

<span>Сонымен қатар, қолданыстағы спорт нысандарын, әсіресе мектептер жанындағы спорт залдарын барынша тиімді пайдалану қажеттігі атап өтілді.</span>