Роза Абитова үздік жетілікке енді

Буэнос-Айресте өтіп жатқан жасөспірімдер Олимпиадасында көркем гимнастика өкілі Роза Абитова жарысты бастады,  - деп хабарлайды<span> </span>Olympic.kz cілтеме берген Prosports.kz

Қазақстандық спортшы шығыршық және доппен өткен жаттығудан соң жетінші орында келеді. 

Абитова шығыршық жаттығуы бойынша 14.950, доп жаттығуы бойынша 15.650 ұпай жинады. Оның жалпы ұпай көрсеткіші - 30.600.

Топ басында 35.175 ұпай жинаған ресейлік Дарья Трубникова. Екінші, үшінші орындарда тиісінше Украина және Армения гимнастары. 

Спортшылар енді ұршық пен таспа бойынша сынға түседі. 

ФОТО: Сали Сабиров, Қазақстан ҰОК баспасөз қызметі.