Буэнос-Айрес -2018: Қазақстан спортшыларының алғашқы қарсыласы анықталды

Бүгін Буэнос-Айрестегі жасөспірімдер Олимпиадасының алғашқы жарыс күні басталады. Бірнеше сағаттан соң бадминтоншы Дмитрий Панарин кортқа шығады. 

Панариннің алғашқы қарсыласы - молдовалық Кристиан Савин. 

Еске сала кетейік, Дмитрий Панарин жасөспірімдер Олимпиадасына жолдама алу үшін жиырмаға жуық іріктеу турниріне қатысып, әлемдік рейтингте үздік ондыққа енді. 

Сондай-ақ, 44 келіге дейінгі салмақта сынға түсетін таеквондошы Әсел Усманованың да қарсыласы белгілі. Ол алғашқы кезеңде әзірбайжандық Миная Акбаровамен кездеседі.