Қапшағайда желкенді спорттан Қазақстан біріншілігі басталды

Қапшағай су қоймасында желкенді спорттан жастар арасындағы Қазақстан біріншілігі басталды.<br />Ел чемпионатына 50 спортшыдан құралған төрт команда қатысуда.

Атап айтар болсақ, Алматы, Шымкент қалалары мен Түркістан және Алматы облысының спортшылары біріншілік жүлдесіне таласпақ.

«Жеңімпаздар мен жүлдегерлер 8 қазан күні анықталады. Чемпионат қорытындысы бойынша еліміздің жастар құрамасын жасақтаймыз. Әрі қарай спортшылар халықаралық жарыстар мен оқу-жаттығу жиындарына қатысады», - деді бас бапкер Олег Кулавицкий.