Алматыда фристайл-мотокросы өтті

Алматыда қала күні қарсаңында екінші FMX Jams 2018 фристайл-мотокросы өтті, деп хабарлайды ҚазАқпарат тілшісі.

«Астана» алаңында моторлардың гүрілі естілді. Мотокросс жұлдыздары қала тұрғындары мен қонақтарын ерекше айла-тәсілдермен таңғалдыру үшін алты жылдан кейін Алматыға қайта оралды. Трюктерді FMX13 ресейлік командасының спортшылары орындады. Олар салмағы 100 келілік мотоциклмен ауада қалықтап, адам айтқысыз әрекеттерімен мыңдаған көрерменнің көңілін аулады.